2015 جىلعى 28 ءساۋىر, استانا قالاسى
عارىشكەرلىككە كانديداتتاردى ىرىكتەۋ جانە عارىشكەرلىككە كانديدات,
عارىشكەر مارتەبەسىن بەرۋ قاعيدالارىن بەكىتۋ تۋرالى
«عارىش قىزمەتi تۋرالى» 2012 جىلعى 6 قاڭتارداعى قازاقستان رەسپۋبليكاسى زاڭىنىڭ 9-بابى 1-تارماعىنىڭ 5) تارماقشاسىنا سايكەس بۇيىرامىن:
1. قوسا بەرiلiپ وتىرعان عارىشكەرلىككە كانديداتتاردى ىرىكتەۋ جانە عارىشكەرلىككە كانديدات, عارىشكەر مارتەبەسىن بەرۋ قاعيدالارى بەكiتiلسiن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اەروعارىش كوميتەتى (ت.ا. مۇساباەۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتiك تiركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتiك تiركەلگەننەن كەيىن 10 جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسiن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
«كەلىسىلدى»
قازاقستان رەسپۋبليكاسى دەنساۋلىق ساقتاۋ جانە
الەۋمەتتىك دامۋ ءمينيسترى _____________ ت. دۇيسەنوۆا
2015 جىلعى 29 مامىر
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 28 ساۋىردەگى № 493 بۇيرىعىمەن بەكىتىلگەن
عارىشكەرلىككە كانديداتتاردى ىرىكتەۋ جانە عارىشكەرلىككە كانديدات,
عارىشكەر مارتەبەسىن بەرۋ قاعيدالارى
1. جالپى ەرەجەلەر
1. وسى عارىشكەرلىككە كانديداتتاردى ىرىكتەۋ جانە عارىشكەرلىككە كانديدات, عارىشكەر مارتەبەسىن بەرۋ قاعيدالارى (بۇدان ءارى – قاعيدالار) «عارىش قىزمەتى تۋرالى» 2012 جىلعى 6 قاڭتارداعى قازاقستان رەسپۋبليكاسى زاڭىنىڭ (بۇدان ءارى – زاڭ) 9-بابى 1-تارماعىنىڭ 5) تارماقشاسىنا سايكەس ازىرلەندى جانە عارىشكەرلىككە كانديداتتاردى ىرىكتەۋدى جانە عارىشكەرلىككە كانديدات, عارىشكەر مارتەبەسىن بەرۋدى جۇزەگە اسىرۋ ءتارتىبىن ايقىندايدى.
2. عارىشكەرلىككە كانديداتتاردى ىرىكتەۋ ءتارتىبى
2. عارىشكەرلىككە كانديداتتاردى ىرىكتەۋدى عارىش قىزمەتى سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) اعىمداعى جانە پەرسپەكتيۆالىق ۇشقىش باسقاراتىن باعدارلامالاردىڭ قاجەتتىلىكتەرىنەن تۋىندايتىن ۇشقىش باسقاراتىن عارىش اپپاراتتارىندا ۇشۋعا دايىندىق ءۇشىن جۇرگىزەدى.
3. عارىشكەرلىككە كانديداتتاردى ىرىكتەۋدى ۇيىمداستىرۋ جانە جۇرگىزۋ ءۇشىن ۋاكىلەتتى ورگان جانىنان ارنايى كوميسسيا (بۇدان ءارى – كوميسسيا) قۇرىلادى. كوميسسيا عارىشكەرلىككە كانديداتتاردى ىرىكتەۋدى جۇرگىزۋ كەزەڭىندە ارەكەت ەتەدى.
4. كوميسسيا عارىشكەرلىككە كانديداتتاردى ىرىكتەۋدىڭ مەرزىمىن, باستالۋى مەن اياقتالۋىن بەلگىلەيدى.
5. كوميسسيانىڭ قۇرامىنا عارىشكەرلىككە كانديداتتاردى ىرىكتەۋگە قاتىسۋشى كىرە المايدى.
6. عارىشكەرلىككە كانديداتتاردى ىرىكتەۋگە كەلەسى تالاپتار قويىلادى:
1) قازاقستان رەسپۋبليكاسىنىڭ جاسى 18-گە تولعان جانە 40-تان اسپاعان ازاماتى بولۋى;
2) جوعارى ءبىلىمىنىڭ بولۋى ءتيىس.
سوت شەشىمى بويىنشا زاڭدى كۇشىنە ەنگەن ىسكە قابىلەتسىز نەمەسە ىسكە قابىلەتى شەكتەۋلى دەپ تانىلعان, سونداي-اق وسى تارماقپەن بەلگىلەنگەن تالاپتارعا سايكەس كەلمەيتىن ازاماتتار عارىشكەرلىككە كانديداتتاردى ىرىكتەۋگە قاتىسۋعا جىبەرىلمەيدى;
7. كوميسسيا وسى قاعيدالارعا سايكەس ىرىكتەۋ باستالعانعا دەيىن ءبىر اي ىشىندە مەرزىمدى باسپا باسىلىمدارىندا, سونداي-اق ۋاكىلەتتى ورگاننىڭ ينتەرنەت-رەسۋرسىندا عارىشكەرلىككە كانديداتتاردى ىرىكتەۋ تۋرالى حابارلاندىرۋ ورنالاستىرادى.
ىرىكتەۋدى جۇرگىزۋ تۋرالى حابارلاندىرۋ مىناداي مالىمەتتەردى قامتۋى ءتيىس:
1) ىرىكتەۋدىڭ جۇرگىزىلەتىن كۇنى مەن ورنى;
2) ىرىكتەۋگە قاتىسۋشىلارعا قويىلاتىن تالاپتار;
3) ىرىكتەۋگە قاتىسۋ ءۇشىن قۇجاتتار قابىلداۋدىڭ باستالعان جانە اياقتالعان كۇنى.
ىرىكتەۋگە قاتىسۋ ءۇشىن قۇجاتتار قابىلداۋ عارىشكەرلىككە كانديداتتاردى ىرىكتەۋ باستالعان كۇنىنەن باستاپ كۇنتىزبەلىك ون بەس كۇن وتكەن سوڭ اياقتالادى.
8. ىرىكتەۋگە قاتىسۋ ءۇشىن كەلەسى قۇجاتتاردى ۇسىنۋ قاجەت:
1) ۋاكىلەتتى ورگان باسشىسىنىڭ اتىنا ەركىن نىساندا جازىلعان ءوتىنىش;
2) وسى قاعيدالارعا قوسىمشاعا سايكەس نىسان بويىنشا تولتىرىلعان ساۋالناما;
3) تۇيىندەمە;
4) ەركىن نىساندا جازىلعان ءومىربايان;
5) جوعارعى ءبىلىمى تۋرالى قۇجاتتاردىڭ نوتاريات كۋالاندىرعان كوشىرمەلەرى;
6) جەكە باسىن كۋالاندىراتىن قۇجاتتىڭ كوشىرمەسى;
7) № 086/ۋ نىسانداعى مەديتسينالىق انىقتاما;
8) پسيحونەۆرولوگيالىق جانە ناركولوگيالىق ديسپانسەرلەردىڭ انىقتامالارى.
9. عارىشكەرلىككە كانديداتتاردى ىرىكتەۋگە قاتىسۋعا تىلەك بىلدىرگەن ازاماتتاردان قۇجاتتار قابىلداۋدى, تىركەۋدى جانە ساقتاۋدى ۋاكىلەتتى ورگان جۇزەگە اسىرادى. ىرىكتەۋگە قاتىسۋشىلاردىڭ وسى قاعيدالاردىڭ 6-تارماعىنا جانە ۇسىنىلاتىن قۇجاتتار 8-تارماقتىڭ تالاپتارىنا سايكەس كەلمەگەن كەزدە, ۋاكىلەتتى ورگان عارىشكەرلىككە كانديداتتاردى ىرىكتەۋگە قاتىسۋشىدان قۇجاتتاردى قابىلداۋدان باس تارتادى جانە قۇجاتتار پاكەتى قابىلدانعاننان كەيىن ءۇش جۇمىس كۇنى ىشىندە جازباشا تۇردە دالەلدى جاۋاپ بەرىلەدى.
10. ۋاكىلەتتى ورگان ىرىكتەۋگە قاتىسۋشىلاردىڭ وسى قاعيدالاردىڭ 6 جانە 8-تارماقتارىنا سايكەس كەلەتىن قۇجاتتارىن كوميسسيا قاراۋىنا جولدايدى. ۇسىنىلعان قۇجاتتار نەگىزىندە كوميسسيا تۇلعانىڭ عارىشكەرلىككە كانديداتتاردى ىرىكتەۋگە قاتىسۋ ءۇشىن جىبەرىلگەندىگى تۋرالى قۇجاتتاردى قابىلداۋ اياقتالعان سوڭ, بەس جۇمىس كۇن ىشىندە شەشىم قابىلدايدى.
11. عارىشكەرلىككە كانديداتتاردى ىرىكتەۋگە قاتىسۋعا جىبەرىلگەن تۇلعالاردىڭ ءتىزىمى بەكىتىلگەننەن كۇنىنەن باستاپ, كوميسسيا ۇسىنىلعان قۇجاتتاردى كۇنتىزبەلىك ون كۇن ىشىندە قاراۋدان كەيىن ىشىندە قاتىسۋشىلارمەن اڭگىمەلەسۋ وتكىزەدى.
12. كوميسسيا قاتىسۋشىلارمەن اڭگىمەلەسۋ جۇرگىزگەن كەزدە زاڭدى ءبىلۋىن تەكسەرەدى, سونداي-اق قاتىسۋشىلاردىڭ جالپى ءبىلىم دەڭگەيى مەن بىلگىرلىگىن ايقىندايدى.
13. كوميسسيانىڭ شەشىمى اشىق داۋىس بەرۋ ارقىلى كوميسسيا مۇشەلەرىنىڭ جالپى سانىنىڭ جاي كوپشىلىك داۋسىمەن قابىلدانادى. داۋىستار تەڭ بولعان كەزدە كوميسسيا توراعاسى بەرگەن داۋىس شەشۋشى بولىپ تابىلادى. كوميسسيا وتىرىسى كوميسسيا مۇشەلەرىنىڭ جالپى سانىنىڭ كەمىندە ۇشتەن ەكىسى قاتىسقاندا زاڭدى دەپ سانالادى.
كوميسسيانىڭ عارىشكەرلىككە كانديداتتاردى ىرىكتەۋگە قاتىسۋشىلارى تۋرالى شەشىمى حاتتاما تۇرىندە رەسىمدەلەدى, وعان كوميسسيانىڭ بارلىق مۇشەلەرى مەن كوميسسيا حاتشىسى قول قويادى.
14. كوميسسيانىڭ عارىشكەرلىككە كانديداتتاردى ىرىكتەۋگە قاتىسۋشىلارى تۋرالى شەشىمى نەگىزىندە ۋاكىلەتتى ورگانمەن جاسالعان شارتتار مەن كەلىسىمدەرگە سايكەس ۋاكىلەتتى ورگان قاتىسۋشىلاردى عارىشكەرلەردى دايارلاۋ ورتالىقتارى جۇرگىزەتىن مەديتسينالىق تەكسەرۋگە جولدايدى.
15. ىرىكتەۋ راسىمدەرى اياقتالعاننان كەيىن كوميسسيا عارىشكەرلىككە كانديداتتاردى ىرىكتەۋگە قاتىسۋشىلارمەن جۇرگىزىلگەن اڭگىمەلەسۋ, مەديتسينالىق تەكسەرۋ ناتيجەلەرىن تالداۋدى جۇزەگە اسىرادى جانە عارىشكەرلىككە كانديداتتاردى ىرىكتەۋ ناتيجەلەرى بويىنشا ون كۇن ىشىندە ۋاكىلەتتى ورگانعا جولداناتىن قورىتىندىنى قابىلدايدى.
16. ۋاكىلەتتى ورگان كوميسسيا ۇسىنعان قورىتىندىنى كۇنتىزبەلىك ون كۇن ىشىندە قارايدى جانە عارىشكەرلىككە كانديداتتاردىڭ ءتىزىمىن بەكىتۋ تۋرالى شەشىم قابىلدايدى.
17. ۋاكىلەتتى ورگاننىڭ ىرىكتەلگەن كانديداتتار جانە عارىشكەرلىككە كانديداتتاردى ىرىكتەۋ شارتتارىنان وتپەگەن كانديداتتار بويىنشا شەشىمى ۋاكىلەتتى ورگاننىڭ ينتەرنەت-رەسۋرسىندا جاريالانادى.
عارىشكەرلىككە كانديداتتاردى ىرىكتەۋدەن وتكەن, عارىشكەرلىككە كانديداتتاردى ىرىكتەۋگە قاتىسۋشىلارعا كۇنتىزبەلىك ون كۇن ىشىندە ۋاكىلەتتى ورگان بەكىتكەن عارىشكەرلىككە كانديداتتار تىزىمىمەن قوسا حات جىبەرىلەدى. وسى قاعيدالاردىڭ 15 تارماعىنىڭ تالاپتارى بويىنشا عارىشكەرلىككە كانديداتتاردى ىرىكتەۋدەن وتپەگەن, عارىشكەرلىككە كانديداتتاردى ىرىكتەۋگە قاتىسۋشىلارعا كۇنتىزبەلىك ون كۇن ىشىندە ۋاكىلەتتى ورگان شەشىمىنىڭ حاتتاماسىمەن قوسا دالەلدى باس تارتۋ جىبەرىلەدى
3. قازاقستان رەسپۋبليكاسىنىڭ عارىشكەرلىگىنە كانديدات مارتەبەسىن بەرۋ ءتارتىبى
18. قازاقستان رەسپۋبليكاسىنىڭ عارىشكەرلىگىنە كانديدات مارتەبەسى ۋاكىلەتتى ورگاننىڭ ۇسىنۋى بويىنشا قازاقستان رەسپۋبليكاسى ۇكىمەتىنىڭ شەشىمىمەن وسى قاعيدالاردىڭ 2-ءشى ءبولىمى بەلگىلەگەن تارتىپپەن عارىشكەرلىككە كانديداتتاردى ىرىكتەۋدەن وتكەن جانە عارىشكەر بىلىكتىلىگىن الۋ ءۇشىن دايارلىققا جىبەرىلگەن تۇلعالارعا بەرىلەدى.
19. ۋاكىلەتتى ورگان قازاقستان رەسپۋبليكاسىنىڭ ۇكىمەتىنە عارىشكەرلىككە كانديداتتاردىڭ ءتىزىمىن ول بەكىتىلگەن ساتتەن باستاپ ءبىر اي ىشىندە قازاقستان رەسپۋبليكاسىنىڭ عارىشكەرلىگىنە كانديدات مارتەبەسىن بەرۋ تۋرالى ۇسىنىسپەن قوسا ۇسىنادى.
20. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ عارىشكەرلىگىنە كانديدات مارتەبەسىن بەرۋ تۋرالى ۇسىنىستى قارايدى جانە اتالعان تۇلعالارعا قازاقستان رەسپۋبليكاسىنىڭ عارىشكەرلىگىنە كانديدات مارتەبەسىن بەرۋ تۋرالى شەشىمدى قابىلدايدى.
21. ۋاكىلەتتى ورگان قازاقستان رەسپۋبليكاسى ۇكىمەتىنىڭ قازاقستان رەسپۋبليكاسىنىڭ عارىشكەرلىگىنە كانديدات مارتەبەسىن بەرۋ تۋرالى شەشىم قابىلداعان ساتتەن باستاپ ءبىر اي ىشىندە عارىشكەرلىككە كانديداتتاردى ىرىكتەۋدەن وتكەن ءتيىستى تۇلعالارعا قازاقستان رەسپۋبليكاسى ۇكىمەتىنىڭ ءتيىستى شەشىمى تۋرالى حات تۇرىندە حابارلايدى.
4. قازاقستان رەسپۋبليكاسىنىڭ عارىشكەرى مارتەبەسىن بەرۋ ءتارتىبى
22. قازاقستان رەسپۋبليكاسىنىڭ ازاماتى قازاقستان رەسپۋبليكاسىنىڭ عارىشكەرى مارتەبەسىن الۋ ءۇشىن ۋاكىلەتتى ورگانعا مىناداي قۇجاتتاردى:
1) قازاقستان رەسپۋبليكاسىنىڭ عارىشكەرى مارتەبەسىن بەرۋ تۋرالى ەركىن نىساندا جازىلعان ءوتىنىشتى;
2) نوتاريات كۋالاندىرعان عارىشكەرلەردى دايارلاۋ ورتالىقتارى بەرەتىن عارىشكەردىڭ بىلىكتىلىگىن كۋالاندىراتىن قۇجاتتىڭ كوشىرمەسى ۇسىنۋى ءتيىس.
23. قازاقستان رەسپۋبليكاسىنىڭ عارىشكەرى مارتەبەسى قازاقستان رەسپۋبليكاسى ۇكىمەتىنىڭ شەشىمىمەن, ۋاكىلەتتى ورگاننىڭ ۇسىنىسى بويىنشا عارىشكەرلەردى دايارلاۋ ورتالىقتارىندا جالپى عارىشتىق دايارلاۋ كۋرستارىن اياقتاعاندىعى جونىندە عارىشكەر كۋالىگىن العان قازاقستان رەسپۋبليكاسىنىڭ ازاماتتارىنا بەرىلەدى.
ۋاكىلەتتى ورگان قازاقستان رەسپۋبليكاسى عارىشكەرلەرىنىڭ قاجەتتى سانىن اعىمداعى جانە پەرسپەكتيۆالىق ۇششقىش باسقاراتىن باعدارلامالاردىڭ قاجەتتىلىگى نەگىزىندە ۇشقىش باسقاراتىن عارىش اپپاراتتارىنىڭ بارلىق تيپتەرىندە ۇشۋعا دايىندىق ءۇشىن قارايدى جانە بەلگىلەيدى.
24. ۋاكىلەتتى ورگان قازاقستان رەسپۋبليكاسىنىڭ ازاماتىنان ءوتىنىشتى العان ساتتەن باستاپ كۇنتىزبەلىك ون بەس كۇن ىشىندە قازاقستان رەسپۋبليكاسى ۇكىمەتىنىڭ ءتيىستى شەشىمىنىڭ جوباسىمەن قوسا, وعان قازاقستان رەسپۋبليكاسىنىڭ عارىشكەرى مارتەبەسىن بەرۋ تۋرالى قازاقستان رەسپۋبليكاسىنىڭ ۇكىمەتىنە ۇسىنىس ەنگىزەدى.
25. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ عارىشكەرى مارتەبەسىن بەرۋ تۋرالى ۇسىنىستى قارايدى جانە اتالعان تۇلعاعا قازاقستان رەسپۋبليكاسىنىڭ عارىشكەرى مارتەبەسىن بەرۋ تۋرالى شەشىم قابىلدايدى.
26. ۋاكىلەتتى ورگان قازاقستان رەسپۋبليكاسى ۇكىمەتىنىڭ قازاقستان رەسپۋبليكاسىنىڭ عارىشكەرى مارتەبەسىن بەرۋ تۋرالى شەشىم قابىلداعان ساتتەن باستاپ ءبىر اي ىشىندە اتالعان تۇلعاعا قازاقستان رەسپۋبليكاسى ۇكىمەتىنىڭ ءتيىستى شەشىمى تۋرالى حات تۇرىندە حابارلايدى.
عارىشكەرلىككە كانديداتتاردى ىرىكتەۋ جانە عارىشكەرلىككە كانديدات,
عارىشكەر مارتەبەسىن بەرۋ قاعيدالارىنا قوسىمشا
نىسان
عارىشكەرلىككە كانديداتتىڭ ساۋالناماسى
1. تەگى, اتى, اكەسىنىڭ اتى: ______________________________________________
____________________________________________________________________
____________________________________________________________________
بۇرىن باسقا تەگى, اتى, اكەسىنىڭ اتى بولعان جاعدايدا ولاردى, ولاردى قاشان جانە
قايدا اۋىستىرعاندىعى تۋرالى جازۋ
2. تۋعان كۇنى, ايى, جىلى ______________________________________________
3. جىنىسى __________________________________________________________
4. تۋعان جەرى _________________________________________________________
رەسپۋبليكا, وبلىس, ەلدى مەكەن
5. تۇرعىلىقتى (تىركەلگەن) جەرى _________________________________________
يندەكس, رەسپۋبليكا, وبلىس,
____________________________________________________________________
ەلدى مەكەن, كوشە, ءۇي, كورپۋس, پاتەر, تەلەفون
6. ازاماتتىعى ____________________________________ ەگەر وسىمەن قاتار
باسقا ەلدىڭ ازاماتتىعىن يەمدەنگەن بولسا, قاي ەل ەكەندىگى تۋرالى جازۋ
____________________________________________________________________
7. نەگىزگى قۇجات, جەكە كۋالىگى, قازاقستان رەسپۋبليكاسى ازاماتىنىڭ پاسپورتى
سەرياسى _____ ءنومىرى ___________ «___» ___________ 20___جىلى بەرىلدى
____________________________________________________________________
كىم بەرگەنى كورسەتىلسىن
8. عارىشكەرلەر جاساعىنا كىرۋ ماقساتى __________________________________
____________________________________________________________________
9. ءبىلىمى _____________________________________________________________
10. جۇمىستاعى كەزەڭىڭىزدە (وقۋداعى, قىزمەتتەگى) مەملەكەتتىك
قۇپيالارعا جاتقىزىلعان اسا ماڭىزدى نەمەسە اسا قۇپيا مالىمەتتەرگە
رۇقسات رەسىمدەلدى مە؟
____________________________________________________________________
(بولسا, ۇيىمنىڭ قانداي باعىتىندا جانە قاي جىلى)
11. شەتەلگە شىعۋعا كەدەرگى بولاتىن شارتتىق, كەلىسىمشارتتىق مىندەتتەمەلەرىڭىز بار ما؟
____________________________________________________________________
(بولسا, ۇيىمنىڭ قانداي باعىتىندا جانە قاي جىلى رەسىمدەلگەن)
12. اسكەري قىزمەتكە قاتىسى ___________________________________________
13. جاسالعان قىلمىس ءۇشىن سوتتالدىڭىز با نەمەسە ايىپتالۋشى رەتىندە شاقىرىلدىڭىز با؟
____________________________________________________________________
14. سوت شەشىمىمەن سالىنعان مىندەتتەمەلەردەن جالتارىپ جۇرگەن جوقسىز با؟
____________________________________________________________________
15. جاقىن تۋىستار تۋرالى مالىمەتتەر:
تەگى, اتى, اكەسىنىڭ اتى تۋعان كۇنى, ايى, جىلى جانە جەرى
16. ەڭبەك كىتاپشاسىنان سوڭعى 10 جىلداعى ەڭبەك قىزمەتى تۋرالى ءۇزىندى (وقۋ ورىندارىنداعى وقۋى مەن اسكەري قىزمەتتى قوسا):
ايى جانە جىلى تولىق كورسەتىلگەن لاۋازىمى جانە جۇمىس ورنى
مينيسترلىكتەر (ۆەدومستۆولار) قىسقارتىلماي كورسەتىلگەن جۇمىس ورىندارى مەن لاۋازىمدارى, ونىڭ ىشىندە قارۋلى كۇشتەردىڭ ءتۇرى مەن اسكەري بولىمشەنىڭ ءنومىرى كاسىپورىن, مەكەمە, ۇيىم, اسكەري ءبولىمنىڭ ورنالاسقان جەرى (مەكەنجايى)
كىرۋ شىعۋ
وتىنىشتە جالعان مالىمەتتەر جازعانىم نەمەسە قولدان جاساندى قۇجاتتار ۇسىنعانىم ءۇشىن زاڭنامادا بەلگىلەنگەن جاۋاپكەرشىلىككە تارتىلاتىندىعىم تۋرالى ەسكەرتىلدىم
20__ جىلعى__________ «___» ء(وتىنىش بەرۋشىنىڭ قولى)
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11554 بولىپ ەنگىزىلدى.